Qelizat pluripotente të induktuara (iPS) po hapin rrugë për trajtime revolucionare të sëmundjeve kronike të zemrës dhe dëmtimeve neurologjike.
Këto qeliza mund të riprogramohen për të krijuar qeliza të muskulit të zemrës ose neuronale, duke zëvendësuar ato të dëmtuara dhe duke rikthyer funksionin normal të organeve, shkruan Weird, transmeton Gazeta Shneta.
Në provat klinike, pacientët që morën trajtim me qeliza të specializuara raportuan përmirësim të funksionit kardiak, stabilizim të rrahjeve të zemrës dhe përmirësim të aftësive kognitive. Qelizat prodhohen nga vetë pacienti, duke reduktuar rrezikun e refuzimit imunitar.
Kostoja e trajtimit është e lartë, dhe monitorimi i kujdesshëm është i domosdoshëm për të parandaluar formimin e tumorëve ose reaksione të pakontrolluara. Megjithatë, trajtimet me qeliza iPS ofrojnë një shans të ri për pacientët që nuk kanë alternativa efektive, duke transformuar kujdesin mjekësor për sëmundje kronike dhe degjenerative. /Gazeta Shneta/