Në 24 orët e fundit, në Spitalin e Përgjithshëm të Pejës janë kryer mbi 4 mijë analiza për 338 pacientë.
Sipas statistikave ditore, 338 pacientë kanë realizuar gjithsej 4,365 analiza laboratorike gjatë ditës së djeshme.
Brenda të njëjtës periudhë janë kryer 498 vizita specialistike, ndërsa 59 pacientë janë pranuar për trajtim spitalor.
Numri i pacientëve të shtrirë aktualisht në këtë institucion është 206, përcjell Gazeta Shneta.
Në repartin e gjinekologjisë janë regjistruar dy lindje, ku njëra foshnjë është djalë dhe tjetra vajzë.
Sa i përket procedurave mjekësore, janë realizuar 10 ndërhyrje kirurgjikale dhe 42 trajtime me dializë. Në fushën e diagnostikës, janë kryer 163 incizime me rëntgen, 152 ekzaminime me ultrazë dhe 16 rezonanca magnetike (MRI).
Ndërkohë, janë kryer edhe një ekzaminim me ehokardiografi, një kolonoskopi, si dhe 52 shërbime fiziatrike për pacientët që kanë nevojë për rehabilitim./Gazeta Shneta/