Një studim i ri sugjeron se konsumimi i të njëjtave vakte çdo ditë dhe ruajtja e një sasie të qëndrueshme kalorish mund të ndihmojë më shumë për humbje peshe sesa një dietë e larmishme. Studimi është publikuar në revistën shkencore “Health Psychology”.
Edhe pse medikamentet GLP-1, si Zepbound dhe Wegovy, po fitojnë popullaritet për humbje peshe, shumë persona preferojnë të fokusohen në një dietë të shëndetshme, si dieta mesdhetare ose agjërimi shkruan burimi Medical News Today transmeton Gazeta Shneta.
Sipas Charlotte Hagerman, përdorimi i strategjive të sjelljes për të ndryshuar dietën shpesh mbetet qasjeja e parë për humbje peshe, duke shmangur kostot dhe efektet anësore të medikamenteve.
Në studim morën pjesë 112 të rritur mbipeshë ose obezë, mesatarisht 53 vjeç, të cilët regjistruan çdo vakte dhe peshën e tyre përmes një aplikacioni mobil.
Analiza tregoi se ata që ruanin një konsistencë më të madhe në kaloritë e ditës humbën më shumë peshë. Për çdo ndryshim prej 100 kalorish në ditë, humbja e peshës zvogëlohej rreth 0.6%.
Gjithashtu, studiuesit zbuluan se pjesëmarrësit që regjistronin më shumë kalori gjatë fundjavave, krahasuar me ditët e javës, humbën më shumë peshë, duke sugjeruar se një fleksibilitet i kontrolluar në konsum mund të jetë gjithashtu i dobishëm. /Gazeta Shneta/