Udhëzimet e vitit 2026 nga Shoqata Amerikane e Zemrës (AHA) theksojnë se ushqimi i shëndetshëm gjatë gjithë jetës mund të ulë ndjeshëm rrezikun për sëmundje kardiovaskulare. Këto rekomandime janë publikuar në revistën shkencore “Circulation” dhe bazohen në prova më të forta shkencore krahasuar me udhëzimet e mëparshme.
Sipas raportit, dieta për shëndetin e zemrës duhet të përqendrohet te frutat, perimet, drithërat e plota, proteinat bimore dhe yndyrnat e pangopura, duke kufizuar sheqerin, kripën dhe ushqimet ultra të përpunuara shkruan burimi Medical News Today transmeton Gazeta Shneta.
AHA thekson se deri në 80% e rasteve të sëmundjeve të zemrës dhe goditjeve në tru mund të parandalohen përmes stilit të shëndetshëm të jetesës.
Aktualisht, mbi 11% e të rriturve në SHBA kanë sëmundje kardiovaskulare, dhe kjo shifër pritet të rritet në rreth 1 në 6 deri në vitin 2050. Një nga arsyet kryesore mbetet dieta e pashëndetshme.
Udhëzimi i ri paraqet nëntë hapa kryesorë:
– balancimi i kalorive me aktivitet fizik;
– konsumimi i shumë frutave dhe perimeve;
– zgjedhja e drithërave të plota;
– përdorimi i proteinave të shëndetshme, sidomos bimore;
– zëvendësimi i yndyrnave të ngopura me ato të pangopura;
– kufizimi i ushqimeve ultratë përpunuara;
– reduktimi i sheqerit të shtuar;
– ulja e konsumit të kripës;
– kufizimi ose shmangia e alkoolit.
Ndryshe nga qasjet e mëparshme, këto rekomandime fokusohen më shumë te modeli i përgjithshëm i ushqyerjes dhe zakonet afatgjata, sesa te rregulla të rrepta.
Sipas studiueses Alice Lichtenstein, qëllimi është përparimi gradual dhe jo përsosmëria. /Gazeta Shneta/