Marka e njohur e kujdesit për lëkurën CeraVe, një nga më të rekomanduarat në SHBA, po përballet me 6 padi federale lidhur me pretendimet se në disa nga produktet e saj mund të formohet një substancë kancerogjene.
Produktet e përmendura janë:
Acne Foaming Cream Cleanser
Acne Foaming Cream Wash
Përbërësi që ka ngritur shqetësime është benzoyl peroxide, i përdorur gjerësisht në trajtimet kundër akneve.
Sipas pretendimeve në padi, benzoyl peroxide është një përbërës i paqëndrueshëm që mund të shpërbëhet kur ekspozohet ndaj nxehtësisë, duke formuar benzen, një substancë e klasifikuar si kancerogjene për njerëzit.
Studiues nga Universiteti i Yales kanë testuar në laborator disa produkte të CeraVe dhe raportuan nivele benzeni nga 5 deri në 12 ppm, ndërsa kufiri i lejuar nga Administrata Amerikane për Ushqimin dhe Barnat për raste të caktuara është 2 ppm.
Megjithatë, pretendimet janë ende objekt procesesh gjyqësore dhe çështja vazhdon të shqyrtohet nga autoritetet dhe gjykatat përkatëse./Tiranapost/