Dr. Shpresa Beqiri është emëruar si ushtruese e detyrës së drejtoreshës së Klinikës së Neurologjisë në Qendrën Klinike Universitare të Kosovës (QKUK).
Këtë e ka konfirmuar vetë Beqiri për Gazeta Shneta, duke bërë të ditur se nga data 19 qershor ka marrë përgjegjësinë për drejtimin e Klinikës së Neurologjisë.
Kujtojmë se Dr. Edmond Komoni ka qenë drejtor i Klinikës së Neurologjisë me mandat deri në maj të vitit 2025, ndërsa pas përfundimit të mandatit ka vazhduar ta ushtrojë këtë detyrë në cilësinë e ushtruesit të detyrës. /Gazeta Shneta/