Fëmijët që kanë probleme me humbje të theksuar të dëgjimit, mund të kryejnë tashmë ndërhyrjen për vendosjen e implantit koklear falas në shërbimin e ORL-së në QSUT në Tiranë.
Shef i Shërbimit të ORL-së në Qendra Spitalore Universitare “Nënë Tereza” Tiranë, profesor Besim Boçi, shprehet se për herë të parë në këtë shërbim është kryer me sukses ndërhyrja për vendosjen e implantit koklear në tre fëmijë me humbje të thellë të dëgjimit.
Implanti koklear, e cila është një pajisje e kompjuterizuar që mund të rivendosë dëgjimin e dobishëm për personat me humbje të rënda ose të thella të dëgjimit (shurdhim nervor), implantohet në fëmijët që kanë shurdhësi të thellë dhe nuk përfitojnë më nga asnjë ndihmesë tjetër dëgjimi.
Të tre fëmijët ku është realizuar kjo ndërhyrje deri më tani, janë në një gjendje shumë të mirë.