Shoqata e të Drejtave të Pacietëve ë Kosovë, konsideron se niveli i përgatitjeve nuk e plotëson minimumin e kushteve për të filluar mbledhjen e premiumeve dhe implementimin e Ligjit për Sigurime Shëndetësore.
Në një letër publike që PRAK ia ka adresuar kryeministrit në largim, Isa Mustafa, janë përmbledhur 10 pika ku theksohen mangësitë e këtij procesi, transmeton Gazeta Shneta.
PRAK thotë se Agjencioni i Financimit Shëndetësor, si paraardhës i Fondit të Sigurimeve, ka mungesë enorme të stafit me vetëm 11 të punësuar. Poashtu përmendet mungesa e objektit ku do të sistemoheshin zyrtarët e këtij fondit.
“Nevoja e koordinimit të ngushtë të AFSH-së me agjensitë tjera si ATK, ARC, BQK, etj, dhe gatishmëria e tyre për ta përkrahur procesin.Fondi është një institucion, fushëveprimi i të cilit është multisektorial. Si rrjedhojë, mbarëvajtja e punës së Fondit është e ndërlidhur edhe me organizma të tjerë qeveritarë siq janë Administrata Tatimore e Kosovës(ATK), Agjencioni i Regjistrave Civil(ARC), Banka Qëndrore e Kosovës(BQK), Minstria e punës dhe mirëqenies sociale etj. Pa gatishmërinë e plotë të këtyre institucioneve për ta përkrahur fuqishëm procesin, Fondi dhe sigurimet shëndetësore do të mbeten vetëm një “plan në letër” dhe pa realizim të suksesshëm”, thuhet në pikën 3 të kësaj letre.
Vërejtjen shfaqin edhe mungesën e funksionalizimit të Sistemit të Informimit Shëndetësor dhe moskonsolidimin e Sistemit të Informimit të Fondit.
PRAK vlerëson se te Ligji për Sigurime Shëndetësore është fokusuar më shumë për mbledhjen e premiumeve, por që i njëjti nuk i rregullon të gjitha çështjet, ndërsa mungojnë edhe disa rregullore e udhëzime administrative.
“Planifikohet të fillohet me rimbursim të barnave.Edhe pse mungon udhëzimi administrativ për kontraktimin e barnatoreve, udhëzimi administrativ për çmimet e barnave me shumicë, sistemi i informimit është i papërfunduar, kategoritë e liruara janë të papërcaktuara, etj, premtohet se do të fillohet me rimbursimin e barnave”, thuhet në pikën 9 të letrës publike.
Krejt në fund PRAK ka dhënë edhe rekomandimet se si duhet të vazhdohet tutje:
- Të revokhet vendimi i qeverisë për fillimin e mbledhjes së premiumeve me datë 01.07.2017
- Të rishiqohet ligji për sigurime shëndetësore;
- Të shtrihet në tërë teritorin e Kosovës Sistemi i integruar i informimit shëndetësor (SISH);
- Të integrohen, popullohen dhe pilotohen të gjitha modulet e sistemeve të informimit të nevojshëm për mbarëvajtjen e punës së Fondit;
- Të respektohet rekomandimi i Bankës Botërore që niveli i premiumit të zbritet nga 7% në 5%;
- Të planifikohet me “metoda aktuare” mbledhja e të hyrave financiare në Fond dhe rembursimi i institucioneve shëndetësore;
- Të definohet “paketa përfituese” sipas standarteve ndërkombëtare. Lista themelore e shërbimeve të kujdesit shëndetësor, lista plotësuese, dhe çmimorja;
- Të gjitha linjat buxhetore të dedikuara për shëndetësi të kalohen përmes Fondit;
- Të fillohet me “disbursim pasiv” të institucioneve shëndetësore dhe të vazhdohet gradualisht drejt “blerjes strategjike”;
- Të përgatiten të gjitha aktet nënligjore të përcaktuara sipas ligjit;
- Të bëhen përgatitjet për hapjen e degëve të Fondit nëpër komuna;
- Të përpilohet plani dinamik për këto dhe aktivitete të tjera parapërgatitore;
- Të krijohet një qasje më serioze dhe të hiqet praktika e improvizimeve.
- Fondit ti krijohen kushte fizike të punës;
Letrën e plotë mund ta lexoni KËTU. /Gazeta Shneta/