Minutat po kalojnë për të na sjellë më pranë natës kur mbahet ngjarja tradicionale e përvitshme në skenën e filantropisë në Kosovë “Të vallëzojmë për nënat dhe fëmijët – Let’s Dance”.
Kjo ngjarje organizohet nga Fondacioni Aksioni për Nëna dhe Fëmijë dhe Crimson Capital falë mbështetjes së sponsorëve dhe publikut që beson në misionin e kësaj ngjarjeje bamirësie.
Mbrëmja Let’s Dance këtë vit mbahet me 21 shtator, në Duplex Premium, duke filluar nga ora 20:00. Çmimi i hyrjes është €30 për person dhe përfshin pije, ushqim dhe muzikë.
Paratë e mbledhura nga biletat shkojnë të gjitha për financim të programeve. Biletat mund të blihen në këto pika: Crimson Capital, Teshavesha, Bon Vivant, Matisse, Green & Protein, Soma Book Station, Creme de la Creme, Hallakate, Bonzai, Umami dhe Babel. Nëse nuk ju del koha të vizitoni ndonjërën prej këtyre pikave, mos u shetësoni – biletat do të jenë në dispozicion edhe në hyrje të Duplex Premium para se të fillojë vallëzimi.
Organizimi është përkrahur nga sponsorë të shumtë. Sponsor i artë është BpB, sponsorë të argjendtë janë Acibadem, Banka Ekonomike, Baruti, Recura Financials, TEB, Solidar Suisse, NLB Banka, Gjirafa dhe HIB Petrol. Sponsorë të bronzit janë Finca Kosova, Cacttus, KEP, Universum, Meridian dhe Trepharm.
Sponsorë të tjerë të ngjarjes janë: Birra Prishtina, Birra Sabaja, Eurolab Internacional Group, Frutomania, Uji Rugova, Republic of People, VM3, Perla Events, Thai Restaurant, Umami, Francisko, Trosha, Âmel, Green & Protein, Che bar, Rrotull.com, Glam Radio, RTK, Lulishtja Labi, Origo Balloons, Tenda 3, Catering, Leka lamps, Kanun.tv, Gazeta Shneta dhe Duplex Premium.
Të tjerë miq që na kanë mbështetur janë: ASSECO SEE, 3CIS, NPB, Keis, dhe Ipko Foundation.
Muzikën e sjellin Valon Shehu & band dhe Gamblemania.
Fondacioni Aksioni për Nëna dhe Fëmijë është organizatë jofitimprurëse që i përkushtohet shpëtimit të jetës së fëmijëve dhe nënave në Kosovë. Për më shumë www.amchealth.org