Deputeti i Lidhjes Demokratike të Kosovës, Lumir Abdixhiku, ka kundërshtuar projektligjin e buxhetit.
Ai ka thënë se nuk mund të mbështes një buxhet që financon lista të fryra të veteranëve, transmeton Gazeta Shneta.
“Nuk mund të mbështes një buxhet që financon lista prej 60,000 veteranëve asnjëherë. Nuk mund të mbështes një buxhet që merr nga shëndetësia e u jep falsifikatorëve”, ka deklaruar ai.
Abdixhiku ka shtuar se duhet të pastrohen listat e veteranëve.
“Jam për lista të pastruara me veteran përnime – që s’marrin lëmoshë po kontribut të denjë. Jam për buxhet që i jep e si merr shëndetësisë”, ka shtuar ai.
Gjatë seancës së djeshme, buxheti u hodh në votim 2 herë por nuk mori më shumë se 60 vota.
Seanca do të vazhdojë sot ku do të diskutohet sërish për buxhetin. Për ta aprovuar në këtë formë, duhet vetëm edhe një votë.
Abdixhiku edhe më herët ka akuzuar pozitën se i ka marr paratë e sigurimeve shëndetësore, por t’i paguar veteranët.
Një gjë të tillë e ka mohuar kryeministri Ramush Haradinaj, i cili pati siguruar se ky buxhet nuk do të preket. /Gazeta Shneta/