Shilarëset dhe paralelet, janë lodra më të rrezikshme për fëmijët tuaj në park, sepse në këto të fundit është shumë i madh rreziku për t’u dëmtuar.
Një studim i ri në SHBA, ka regjistruar një rritje të rasteve të aksidenteve të fëmijëve gjatë viteve të fundit, pikërisht duke luajtur në këto lodra.
Kërkuesit kanë shqyrtuar të dhënat e aksidenteve të fëmijëve nën moshën 14 vjeç, që janë paraqitur në urgjencë, nga viti 2001 deri në 2013. Nga një mesatare e përgjithshme janë 215 mijë fëmijë në vit të lënduar në park, ku 10% e tyre kanë patur trauma cerebrale.
Vëzhgimi ka dalë në përfundimin se dëmtimet në kokë kanë ardhur duke u rritur gjatë viteve, duke shkuar nga 23 në 100 mijë fëmijë në fillim të viteve 2000, në 48 në 2013.
Gjithashtu studimi zbuloi, se gjysma e fëmijëve me diagnozë me truama në kokë, ishte nga 5 deri në 9 vjeç, më së shumti djem.
“Lodrat në të cilat ndodhin më shumë aksidente, rezulton të jenë shilarëse dhe paralelet”, shpjegon Jeneita Bell, një prej autorëve të studimit.
Kjo e fundit thekson nevojën që prindërit të kenë kujdes në materialet që janë të prodhuara lodrat dhe që ato të jenë të duhura për moshën e fëmijëve./tvklan.al