A do të mbahet nesër greva tetë orëshe, flet kryesindikalisti Blerim Syla

2021-11-24 në ora 10:30

Federata e Sindikatave të Shëndetësisë ka paralajmëruar grevë tetë orëshe në të gjithë shërbimet jo emergjente në spitalet e Kosovës.

Greva do të mbahet pas dy protestave që i ka organizuar FSSHK para disa javësh ku kanë kërkuar procedimin e Ligjit për Paga nga Qeveria e Albin Kurtit, shkruan Gazeta Shneta.

Pasi nuk morën asnjë përgjigje, FSSHK ka dal me vendim për organizimin e grevës si masë sindikale.

Greva që pritet të mbahet nesër mund të anulohet vetëm nëse qeveritarët i përgjigjen sindikalistëve. Kështu ka deklaruar kryetari i FSSHK-së Blerim Syla.

“Po greva do të mbahet, por nga Qeveria kanë kohë edhe të mërkurën me na ftua në takim”, ka deklaruar Syla.

Kërkesat e tyre për mosmbajtje të grevës janë takimi me kryeministrin Albin Kurti, ministrin e Shëndetësisë Rifat Latifi, si dhe përfshirja në grupet punuese për ligjin e pagave. /Gazeta Shneta/