Gjersa foshnjet ishin në rritje e sipër, ato ndiheshin rahat në hapësirën e tyre. Por, pas lindjes shumë prej foshnjeve e vërejnë mungesën e një sigurie sikurse ishin në mitër. Sipas Ilan Shapiro, MD, kjo është arsyeja pse foshnjet duhet të mbështjellen me një batanije të ngrohtë, e cila mund të jetë qetësuese shkruan Verywell Family.
Lindja e foshnjes, po që sjell emocione të pafundme, e sidomos tek prindërit e rinjë. E dëshira për një rritje sa më të mbarë të fëmijës fillon qysh tani.
Për të kuptuar më shumë rreth komplikimeve të shtatzënisë, klikoni këtu.
Studiues e profesionistë të shumtë ndajnë mesazhet dhe sugjerimet e tyre rreth rritjes dhe zhvillimit të foshnjeve.
E një nga benefitet që do të trajtojmë kësaj rradhe do të jetë për benefitet që sjell mbështjellja me një batanije të butë foshnjen pas lindjes.
Sipas Ilan Shapiro, MD, e veçanta e kësaj është sepse foshnjet ndihen më të qeta dhe të sigurta kur ato mbështjellen me një batanije të butë.
Mes tjerash, studimi i vitit 2019 i publikuar në PLOS ONE, tregon se përveç sigurisë foshnjet bëjnë një gjumë më të qetë.
Sipas Jenelle Ferry, neonatologe, kjo metodë është mirëpritur edhe për foshnjet e lindura para kohe.
“Në periudhën e menjëhershme të të porsalindurit, mund të ndihmojë një foshnjë të organizojë më mirë zhvillimin motorik, veçanërisht nëse ata kanë lindur para kohe,” shpjegon ajo.
Së fundmi, Dr. Ferry potencon se mbështjellja me batanije ndihmon edhe në rastet kur foshnjet ndihen të frikësuara.
Por, si duhet të mbështjellni një foshnje me batanije?
Sipas Rachel Schlueter, pediatre, ju duhet të respektoni rekomandimet nga Akademia e Pediatrisë Amerikane (AAP) për një gjumë më të sigurt.
Dr. Schlueter tregon se ju duhet të vendosni fëmijën në shpinë, në një sipërfaqe të sheshtë, pa lodra dhe jastëk përreth.
Një batanije e butë e ndihmon foshnjen të jetë e sigurt dhe e ngrohtë.
Së fundmi, mbështjelljen e foshnjes me batanije, AAP e rekomandon që të jetë deri në muajin e dytë.
“Pasi bebi juaj mund të rrotullohet, mbështjellja me batanije mund të kufizojë lëvizjen e tyre”, ka shtuar ajo. /Gazeta Shneta/