Një mjek sportiv shkruan në librin e tij se telefonat inteligjentë janë problem për shëndetin tonë fizik dhe rekomandon që njerëzit të përpiqen të reduktojnë kohën e tyre para ekranit.
Dy vjet më parë, një mjek në Brest/Francë nisi një fushatë për t’i bërë njerëzit të heqin dorë nga telefonat inteligjentë, shkruan Euronews përcjell Gazeta Shneta.
Sfida u krye mes një grupi të vetë-përzgjedhur tashmë të gatshëm për të reduktuar kohën që shpenzonin në telefonat e tyre.
Megjithatë, Yannick Guillodo, një mjek sportiv në Qendrën Spitalore Universitare të Brest (CHU), thotë se rreth tre të katërtat e afro 500 pjesëmarrësve që ata anketuan nuk ishin në gjendje të reduktonin kohën e telefonit të tyre me një orë në ditë.
Por nëntë në dhjetë prej atyre që ia dolën, ishin më aktivë fizikisht, sipas analizës së tyre, e cila është në printim paraprak.
Tani, ai ka shkruar një libër të botuar në frëngjisht me një titull provokues që përkthehet në “Smartfonat Vrasës ” (Le smartphone tue), duke paralajmëruar se telefonat jo vetëm që janë të vështirë për t’u vënë poshtë, por ata gjithashtu i bëjnë njerëzit ‘më të ulur’.
“Fillimisht isha i interesuar për marrëdhënien midis numrit të telefonave inteligjentë dhe stilit të jetesës së ulur. Sepse kur shikojmë telefonin inteligjent, jemi ulur në një divan, ose në një karrige”, tha ai për Euronews Health.
“Nëse kaloj një orë më shumë në një smartfon ulur në një karrige, kaloj një orë më shumë ulur. Dhe për këtë, ne kemi studime të cilat tregojnë qartë se një mënyrë jetese sedentare është një faktor rreziku i qartë për sëmundjet kronike, të ashtuquajturat sëmundje jo të transmetueshme si diabeti, goditjet në tru, sëmundjet e zemrës, disa lloje kanceri e kështu me radhë”, shtoi ai.
Andrew Lepp, profesor në Kent State University në SHBA, ka studiuar gjithashtu temën e përdorimit të telefonit dhe aktivitetit fizik.
“Ne kemi kryer sondazhe të shumta duke vlerësuar sjelljen e ulur, aktivitetin fizik dhe përdorimin e celularit”, tha ai në një e-mail.
“Pa dyshim, njerëzit që përdorin më shumë celularin shpenzojnë shumë më shumë kohë ulur,” shtoi ai.
A ka ndikime të tjera në shëndetin fizik nga telefonat inteligjentë?
Paul Elliott, profesor në Imperial College London, po shqyrton ndikimin e telefonave inteligjentë nëse ato çojnë në probleme shëndetësore afatgjata.
Në një studim të fundit të botuar këtë muaj, ai dhe studiues të tjerë zbuluan se përdorimi i një telefoni celular, fatmirësisht, nuk rrit rrezikun e zhvillimit të kancerit të trurit.
Studimi, i cili filloi në vitin 2007, u bazua në 250,000 përdorues të telefonave celularë dhe është studimi më i madh shumëkombësh që heton këtë temë.
“Për shkak të natyrës prospektive të studimit ku ne pyesim për përdorimin e celularit dhe ndjekim njerëzit përpara se të zhvillojnë sëmundje (si dhe marrjes së të dhënave objektive për përdorimin e celularit, me pëlqimin e pjesëmarrësve, nga operatorët e telefonisë celulare), ne mund të shikojmë në një gamë të gjerë sëmundjesh, jo vetëm kanceret e trurit,” tha Elliott.
“Këta përfshijnë kancere të tjera, sëmundje kardiovaskulare, sëmundje neurologjike dhe studime të fertilitetit dhe efekteve riprodhuese. Ne kemi parë gjithashtu zhvillimin e simptomave të tilla si dhimbja e kokës,” shtoi ai.
Ai mendon se përdorimi i smartfonëve duhet të merret parasysh kur politikëbërësit mendojnë për parandalimin e pasivitetit fizik.
Zgjidhjet duhet të vijnë nga të gjitha aspektet e shoqërisë duke përfshirë individët, kompanitë, qeveritë dhe Big Tech, tha ai.
Guillodo rekomandoi ndryshime të vogla si fikja e telefonave gjatë darkës dhe 45 minuta para gjumit si dhe fikja e tyre në takimet e punës. /Gazeta Shneta/