Një defekt me derën e dhomës së rëntgenit në Klinikën e Radiologjisë asesi nuk po arrihet të rregullohet.
Gazeta Shneta pati raportuar për këtë defekt në derën e rëntgenit në Klinikën e Radiologjisë në QKUK në tetor të vitit të kaluar, e cila ishte lidhur me konop pasi doreza ishte dëmtuar.
Konopi është hequr por doreza nuk është rregulluar dhe tani është lidhur me doreza sterile të cilat përdoren nga stafi mjekësor.
Gazeta ka pranuar disa fotografi nga personeli që punon në rëntgen të cilët tregojnë se si po e mbyllin derën e lidhur me doreza sterile. Kjo derë e mbyllë dhomën e rëntgenit nga pjesa ku ndodhet kompjuteri për realizimin e imazheve me rreze x.
Për raportimin e këtij problemi në media, drejtori i Radiologjisë Bujar Gjikolli kishte ndërmarr masa disiplinore ndaj teknikut Fisnik Thaqi. Por këto masa më pas ishin pezulluar pas presionit publik dhe shoqërisë civile. /Gazeta Shneta/