Ekspertët thonë se shpërthimi i mpox është ndryshe nga pandemia e COVID-19, por nuk duhet të jemi të qetë. Edhe pse situata në Afrikë me mpox është shqetësuese, ekspertët theksojnë se mpox nuk është si COVID-19.
Shumë raste të një varianti të ri më ngjitës, i quajtur “kladi 1b”, po raportohen, veçanërisht në Republikën Demokratike të Kongos, dhe po përhapen edhe jashtë saj. Në Evropë, ka raste të këtij varianti të ri, për shembull në Suedi dhe Tajlandë, ku janë raportuar te udhëtarë që kanë qenë në vendet e prekura, raporton Euronews Health përcjell Gazeta Shneta.
Në Evropë, një variant më i butë, kladi II, po qarkullon ende, me rreth 100 raste të reja çdo muaj. Ekspertët shqetësohen se futja e variantit më të rrezikshëm kladi 1b mund të sjellë probleme të reja.
Megjithatë, ndryshe nga COVID-19, i cili përhapet nëpërmjet ajrit, mpox ka nevojë për kontakt të drejtpërdrejtë ose të zgjatur, zakonisht përmes marrëdhënieve intime.
Ekspertët theksojnë se mpox është një virus me të cilin Evropa tashmë ka përvojë dhe se mund të kontrollohet, por duhet të merren masa për të ndaluar importimin e rasteve të reja. /Gazeta Shneta/