ASMR, një ndjesi e përshkruar si “tingëllim” ose “gushëpërdredhje” në kokë e qafë, shkaktohet shpesh nga tinguj si pëshpëritje, trokitje apo përplasje paketash.
Shumë njerëz raportojnë se kjo përvojë i qetëson, u ul ankthin dhe i ndihmon të flenë më lehtë.
Megjithatë, shkenca ende nuk ka prova të forta për mekanizmin se si funksionon ASMR.
Studimet tregojnë se vetëm rreth një në pesë persona përjetojnë këtë ndjesi, kryesisht ata më introvertë, emocionalisht të ndjeshëm dhe të hapur ndaj eksperiencave të reja, shkruan MedicalXpress transmeton Gazeta Shneta.
Për disa, efekti mund të lidhet me pritshmëritë ose me elementët socialë e erotikë të videove, më shumë sesa me tingujt vetë.
Hulumtimet mbi trurin dhe trupin gjatë ASMR kanë dhënë rezultate të përziera: disa tregojnë shenja relaksimi si rënie të rrahjeve të zemrës, të tjera tregojnë edhe shenja stresi si rritje të djersitjes.
Deri tani, nuk ka prova klinike që e lidhin ASMR me përfitime afatgjata për ankthin apo pagjumësinë.
Ekspertët theksojnë se, megjithëse ASMR nuk mund të konsiderohet ende një mjet terapeutik i bazuar në evidencë, nuk ka asnjë dëm në përdorimin e tij nëse u sjell qetësi dhe relaksim individëve.