Kërsitja e gishtave është një sjellje e zakonshme mund të bëhet një zakon ose një mënyrë për t’u marrë me energjinë nervore; disa e përshkruajnë atë si një mënyrë për të ‘liruar tensionin’. Për disa, është thjesht një gjë e bezdisshme që bëjnë njerëzit e tjerë.
Nyjet, si ato që lidhin gishtat me pjesën tjetër të pëllëmbës, kanë disa hapsira të mbushura me një lëng që quhet lëngu sinovial, i cili kryen funksionin e grasos, që lejon lëvizjen e kockave dhe pengon fërkimin e tyre me njëra tjetrën, shkruan Health Day, transmeton Gazeta Shneta.
Kur ju kërcisni gishtat ose nyje të tjera, ju zgjeroni hapsirën midis kockave. Ky zgjerim hapsire, krijon një tension negativ që e tërheq lëngun sinovial që ndodhet në nyje, në këtë hapësirë të re të krijuar. Futja e menjëhershme e lëngut në këtë hapsirë është kërcitja që ju dëgjoni.
Por a është kjo e dëmshme për nyjet?
Sipas mjekëve nuk është sepse nuk ka asnjë provë që të mund ta vërtetojë këtë. Kërcitja e vazhdueshme e nyjeve mund të bëjë që ato pas disa kohësh të kërcasin më thjeshtë, por kjo nuk ka lidhje me artritin apo ndonjë sëmundje tjetër.
Si mund të ndaloni kërcitjen e nyjeve?
Shumë persona zbulojnë se kërcitja nyjeve e tyre është në përgjigje të stresit dhe ankthit.
Ja disa këshilla praktike:
Praktikoni ushtrime të frymëmarrjes dhe meditim- ekspertët pajtohen se këto praktika kanë përfitime të qarta fizike dhe psikologjike.
Mbani duart e zëna duke bërë diçka tjetër – ka shumë ide për këtë, duke përfshirë topat e stresit, lodrat nervoze, stuko terapie dhe vizatimin ose shkarravinë. Këshilla më e mirë është të gjeni diçka që funksionon për ju dhe situatën tuaj.
Provoni qetësues të zakonshëm të ankthit dhe stresit si ushqimi i shëndetshëm, ushtrimet, lidhja me të tjerët dhe ditari./Gazeta Shneta/