Një studim i ri nga Boston University School of Public Health dhe Mass General Brigham for Children ka zbuluar se mbidozat fatale nga opioidet tek të rinjtë shpesh nuk lidhen vetëm me opioidet, por edhe me përdorimin e disa substancave njëkohësisht.
Hulumtimi, i publikuar në revistën Pediatrics, analizon të dhënat e viteve 2020–2023 dhe tregon se gati gjysma e mbi 23 mijë vdekjeve nga mbidoza tek të rinjtë 15–24 vjeç përfshinin përdorimin e opioideve së bashku me droga të tjera, kryesisht stimulues si kokaina dhe metamfetamina.
Pjesëmarrja e substancave të kombinuara rritej me moshën: nga 25% e vdekjeve tek 15-vjeçarët, deri në 58% tek 24-vjeçarët, shkruan MedicalXpress transmeton Gazeta Shneta.
Studiuesit theksojnë se fentanyli dhe opioidët sintetikë ishin të përfshirë në mbi 93% të rasteve.
Rritja e qasjes në drogë, fuqia gjithnjë e më e madhe e substancave dhe problemet e shëndetit mendor pas pandemisë COVID-19 po shihen si faktorë kryesorë.
Ekspertët paralajmërojnë se kjo përbën “valën e katërt” të krizës së opioideve në SHBA dhe kërkojnë ndërhyrje të hershme, trajtim të përshtatur për të rinjtë dhe më shumë mbështetje për programe që ofrojnë medikamente shpëtuese si Narcan.