Gjatë ditës së sotme, Organizata Botërore e Shëndetësisë ka paralajmëruar se numri i rasteve të raportuara në Evropë është alarmante.
Drejtori Rajonal i OBSH-së, Hans Kluge, gjatë një konference për shtyp ka thënë se rastet javore po tejkalojnë numrin e raportuar gjatë muajit mars shkruan CNN, transmeton GazetaShneta.
Në këtë këndvështrim, janë disa nga vendet evropiane që kohët e fundit janë duke raportuar raste të reja pozitive:
Portugalia: Në 24 orët e fundit, Portugalia regjistroi mbi 700 raste pozitive me covid-19, rritja më e lartë ditore që nga 10 prilli.
Anglia: Rritet numri i testimeve për covid-19 në Angli që nga fundi i muajit gusht.Kjo pasi, numri i të infektuarve është rritur që nga fillimi i muajit korrik dhe tani janë duke u dyfishuar.
Franca: Ditën e shtunë, Franca shënoi më shumë se 10,000 raste të reja me covid-19, për herë të parë që nga fillimi i pandemisë.
Italia: Dita e sotme shënoi shifrën më të lartë të të infektuarve në Itali që nga 12 maji.Në 24 orët e fundit, Italia regjistroi 1,210 raste pozitive me covid-19./GazetaShneta/