Profesoresha e Fiziologjisë në Fakultetin e Mjekësisë në Universitetin e Prishtinës, Prof. Dr. Hatixhe Latifi-Pupovci, ka alarmuar për gjendjen në institucionin ku punon.
Latifi-Pupovci ka deklaruar se mënyra e vlerësimit me teste siç po ndodh aktualisht, është mënyra më e papranueshme e vlerësimit në mjekësi. Sipas saj, këtë metodë të vlerësimit po e aplikojnë ata të cilët shohin më shumë përfitimet e veta “akademike” e materiale, sesa që mendojnë për përgjegjësinë që e kanë ndaj studentëve, transmeton Gazeta Shneta.
“Unë nuk shqetësohem se studentët në provim ‘ikin’ nga unë (programi kompjuterik ju ka mundësuar) sepse i pyes nga një orë për të parë se sa dhe si vërtetë kanë mësuar, se sa kanë aftesi t’i lidhin njohuritë, se sa kanë aftësi të lidhin njësitë mësimore sepse lënda e Fiziologjisë kërkon kuptimin e proceseve si një tërësi sikuse që është edhe organizmi etj etj”, ka shkruar ajo.
Reagimi i plotë i Prof. Hatixhe Latifi-Pupovci:
Përfundoi edhe një afat i provimeve. Unë nuk kam fjali të përshkruaj shqetësimin tim për krejt çka po ndodhë me studimet e mjekësisë, se çfarë do të ndodhë me shëndetin e kësaj popullate.
Unë nuk kam se si të mos e shprehë shqëtesimin në publik se çfarë po ndodhë përkundër asaj se nuk më obligon asnjë post përveç të qenit profesor i një lënde të madhe në këtë Fakultet.
Unë nuk mund të mos e them në publik se mënyra e të vlerësuarit me teste është mënyra më e papranueshme e vlerësimit në mjekësi.
Unë nuk mund të mos e them se kjo është mënyra që e apolikojnë ata të cilët shohin më shumë përfitimet e veta “akademike” e materiale se sa që mendojnë se çfarë përgjegjësie kanë mbi supe.
Unë nuk mund të mos e them në publik (meqë tjetër kund nuk më jepet hapësire që ta them e të ndikoj) se në provimin e Fiziologjisë vijnë studente që nuk kanë haber për lëndet paraprake përkunder faktit se provimet nga ato lëndë i kanë kaluar (me teste).
Unë nuk mund të mos e them se është e tmerrshme se të gjitha këto lënde jepen me teste, se në ato lëndë mund të qëllojë që provimi të jepet te profesori, specialist klinik i fushës e studenti të mos e dijë as atë fushë të lëndës.
Unë nuk mund të mos e them se faji këtu nuk është vetëm i studentit që e mëson librin e jo lëndën por i profesorëve, asistenteve e e i gjithë sistemit arsimor në Fakultetin e Mjekësisë.
Unë nuk shqetësohem se studentët në provim “ikin” nga unë (programi ompjterik ju ka mundësuar) sepse i pyes nga një orë për të parë se sa dhe si vërtetë kanë mësuar, se sa kanë aftesi t’i lidhin njohuritë, se sa kanë aftësi të lidhin njësitë mësimore sepse lënda e Fiziologjisë kërkon kuptimin e proceseve si një tërësi sikuse që është edhe organizmi etj etj.
Unë nuk mund të mos e them se tek unë nuk do kalojnë ata që nuk e mësojnë funksionimin e mirëfilltë të organizmit sepse Fiziologjia është lëndë bazë për të gjitha lëndët tjera sic është Biologjia, Biofizika, Biokimia, Anatomia e Histologjia lëndë bazë për mësimin e Fiziologjisë
Unë nuk mund të mos e them se tek unë nuk do të kalojnë studentët që nuk i kanë bazat (bazat) e të gjitha lëndëve që i përmenda më lartë, sepse pa ato nuk ka shansë të kenë mësuar Fiziogjinë.
Unë nuk dua që me duart e mia të mbys fëmiun tim dhe tuajin.
Reflektoni profesore e asistente