I ftuar në emisionin “N’drrimi i natës” së fundmi ishte këngëtari shumë i dashur për publikun, me origjinë nga Kosova, Albatrit Muqiqi. Gjatë emisionit këngëtari tregoi për herë të parë si u njoh me bashkëshorten e tij Egzonën.
Albatriti tregoi se ka qenë një dashuri me shikim të parë dhe se Egzona e refuzoi.
“Me Egozën kemi 5 vite që jemi bashkë. Ajo ka punuar në një kozmetikë në Gjakovë. Unë kisha një mbrëmje në Gjakovë dhe para se të shkoja aty, kalova në qytet dhe e pashë në dyqan. Nuk kisha fare nevojë për parfum, hyra të blej vetëm që ta shihja.
Aty biseduam, mundova t’i marr ndonjë kontakt, por ishte kokëfortë dhe më refuzoi. Unë thashë ‘Kështu po lypet’. Aty ka qenë takimi i parë dhe pastaj u lidhëm. Pas 3 muajve ja prezantova mamit. Pas 7 muajsh e prezantova me të gjithë familjen”, tregoi Albatriti.
Sot Albatriti dhe Egzona janë prindër të 3 fëmijëve, një vajze 3 vjeçe dhe dy binjakëve të cilët erdhën në jetë muajin e kaluar.