Investimi në ambulancat e reja nga Shërbimi Spitalor dhe Klinik Universitar i Kosovës bashkë me Ministrinë e Shëndetësisë ka bërë që vetëm brenda vitit 2019 të ofrohen mbi 51 mijë shërbime.
Ndërtimi i këtyre ambulancave ka rritur dukshëm numrin e trajtimit të pacientëve në krahasim me vitet e kaluara, shkruan GazetaShneta.
Investimi ka përfshirë 36 objekte specialistike të ndërtuara me infrastrukturë moderne dhe me pajisje të teknologjisë së fundit të cilat mundësojnë tretman të lartë për pacientët. Po ashtu është rregulluar edhe çështja e rendit brenda hapësirave të ambulancës ku njerëzit tani kanë vend të bollshëm dhe nuk kanë nevojë të presin për kontrollet mjekësore.
SHSKUK dhe Ministria e Shëndetësisë kanë paralajmëruar edhe për investime të tjera në pajisje si dhe në infrastrukturë. /GazetaShneta/
