Në Klinikën e Biokimisë në Qendrën Klinike Universitare të Kosovës këtë të hënë është rikthyer shërbimi i analizës bazike “CRP”, një analizë e tillë nuk është bërë rreth një javë në këtë klinikë shkruan Gazeta Shneta.
Lajmin për mungesë të analizës “CRP” e ka konfirmuar për Gazetën Shneta, drejtori i klinikës, Shemsi Veseli.
Drejtori thotë se “ka përfunduar kontrata e vitit të kaluar e cila ka qenë në shfrytëzim prej 130 përqind” duke shtuar se në vend të “CRP” është punuar “Prokalcitonia” dhe “Presepsina”.
Çka është CRP?
CRP është protein dhe prodhohet nga mëlçia e pacientit.
Kur bakteret ose patogjenet e tjerë qelizorë kërcënojnë trupin, mëlçia lëshon CRP në qarkullimin e gjakut për të ndihmuar mbrojtjen e trupit.
Kjo përgjigje e hershme quhet përgjigje e fazës akute. Përgjigja e fazës akute gjithashtu mund të ndodhë në kushte kronike, duke përfshirë disa sëmundje autoimune, të tilla si artriti, sëmundjet inflamatore të zorrëve (si sëmundja e Crohn ose koliti ulceroz) ose nëse keni një infeksion të tillë si pneumonia.
Një test i proteinës C – aktive matë sasinë e CRP-së në gjakë. Përmes CRP-së mund të identifikpohet nëse pacienti ka inflamacion në gjakë./Gazeta Shneta/