Kryetari i komunës së Prishtinës, Shpend Ahmeti ka treguar për rëndësinë e testimeve serologjike para së të fillohet puna në çerdhet e Prishtinës.
Ai përmes një postimi në Facebook, ka thënë se shumica e edukatoreve në një çerdhe kanë pasur koronavirusin më herët, përcjell Gazeta Shneta.
Duke mos dashur të tregoj për cilën çerdhe bëhet fjalë, Ahmeti ka thënë se tani është e sigurt për mirëpritjen e fëmijëve.
Ndër të tjera ka shtuar se ky rezultat “bashkë me studimet tjera do të na ndihmojë ta kuptojmë përhapjen në Prishtinë”.
Kujtojmë se Prishtina është qyteti më i prekur nga koronavirusi në Kosovë.
Nga 11 mijë e 200 rastet pozitive në vend, kryeqyteti ka regjistruar 3617, sipas të dhënave të fundit të publikuara nga Ministria e Shëndetësisë. Në kryeqytet, kanë vdekur 51 persona si pasojë e COVID-19. /Gazeta Shneta/