Anëtari i Bordit për Specializime në Ministrinë e Shëndetësisë, Driton Vela, nuk po i pëlqen të kritikohet kryeministri Albin Kurti nga një epidemiolog shqiptar.
Vela dikur e quante “epidemiolog me kompetenca” epidemiologun shqiptar Taulant Muka, por pas një kritike që ky i fundit ia bëri kryeministrit Kurti, tani Vela ka ndërruar qëndrim duke i thënë “megaloman” dhe “i pa rëndësishëm”, transmeton Gazeta Shneta.
Muka bëri një reagim pasi Kurti publikoi një shkrim me 8 pyetje dhe përgjigje për masat e reja kundër pandemisë Covid-19.
Muka shkroi se nga ky shkrim ka kuptuar se kryeministri i Kosovës nuk ka këshilltar të mirë informuar rreth zhvillimeve të fundit për Covid-19. Epidemiologu shqiptar e kontestoi atë që shkroi Kurti rreth një aeroplani me udhëtar në Afrikën e Jugut, një numër i të cilëve rezultuan pozitiv, si dhe tha se Kosova renditet një nga pesë vendet me vdekshmërinë më të lartë në Evropë për shkak të mungesës së kapaciteteve.
Por këto kritika ndaj Kurtit nuk i pëlqeu anëtari i Bordit për Specializime dhe ish-kandidati për deputet nga radhët e VV-së Driton Vela.
Dikur Vela e lavdëronte Mukën si një epidemiolog “i cili i ka të gjitha kompetencat për të ndihmuar”, por tani ka ndryshuar qëndrim duke i thënë “megaloman” dhe “i pa rëndësishëm”.
“Kjo kritikë jo vetëm që është e pasinqertë, por është shkruar në stilin e një megalomani të papërmirësueshëm i cili fare nuk përdor referenca të besueshme për pretendimet e tij. I njëjti shkencatar i jashtëzakonshëm (?) ka kundërshtuar maskat si mjet për parandalimin e përhapjes të infeksionit me SARS-Cov-2 dhe i njëjti në diskutime me mua ka përdorur postime të faqeve të studentëve si argumente shkencore për t’i arsyetuar pretendimet e tij. Kaq sa për shkencën e këtij shkencëtari”, ka shkruar Vela.
“Në fund të këshilloj të mos emocionohesh së tepërmi, je i parëndësishëm në kontekst global”, ka shkruar ai ndër të tjera.
Më pas ka reaguar edhe Muka duke e ftuar Velën të përdor argumente përtej ngjyrimeve politike.
“Dikur isha epidemiolog me te gjitha kompetencat, por Shqiperia me injoronte. Kur une bej nje kritike dashamirese dhe aspak keqdashese ndaj nje postimi te KM te Kosoves, jam megaloman, i parendesishem, i pasinqerte etj, etj. Dritan, te ftoj te qendrojme te argumentat, nese ke! E verteta te dhemb ndonjehere, por eshte detyre e shkences te kritikoje dhe jape nje panorame pertej ngjyrimeve politike”, ka shkruar Muka. /Gazeta Shneta/