Normat e të rinjve që marrin ilaçe kundër depresionit kanë qenë në rritje prej kohësh, por një studim i ri sugjeron se përshkrimi i antidepresantëve tek adoleshentët dhe të rinjtë u rrit ndjeshëm në fillim të pandemisë – me 64% më shpejt pas marsit 2020.
Studimi, i udhëhequr nga Universiteti i Miçiganit dhe i botuar në “Pediatrics”, analizoi periudhën janar 2016 – dhjetor 2022, ku u vërejt se përshkrimi mujor i antidepresantëve u rrit me 66.3%. Para pandemisë, norma mujore po rritej me vetëm 17%, ndërsa pas marsit 2020, rritja ishte 63.5% më e shpejtë, raporton Health News transmeton Gazeta Shneta.
Kjo rritje u dominua nga adoleshentet femra, duke theksuar një krizë të shëndetit mendor që i prek veçanërisht vajzat. “Studime të shumta tregojnë se ankthi dhe depresioni tek vajzat adoleshente u rritën gjatë pandemisë,” deklaruan autorët.
Ndryshe, tek meshkujt 12–17 vjeç u vu re një ulje e lehtë në fillim të pandemisë, ndërsa tek ata 18–25 vjeç nuk kishte ndryshim. Megjithatë, kjo nuk do të thotë se gjendja e tyre mendore ishte përmirësuar: tentativat për vetëvrasje dhe ndjenjat e trishtimit u shtuan, por kujdesi për këto simptoma u kërkua më rrallë.
Autorët nënvizojnë nevojën për ndërhyrje efektive për të mbështetur shëndetin mendor të të rinjve dhe për të zbutur pasojat negative në të ardhmen. /Gazeta Shneta/