Është anuluar për të tretën herë brenda këtij viti konkursi për drejtor ekzekutiv në Agjencinë për Produkte dhe Pajisje Medicinale.
Ka dështuar për herë të tretë brenda këtij viti konkursi për drejtor ekzekutiv të Agjencisë për Produkte dhe Pajisje Medicinale, shkruan Gazeta Shneta.
Konkursi është anuluar sot përmes një njoftimi nga Departamenti për Menaxhimin e Zyrtarëve Publik në Ministrinë e Punëve të Brendshme. Konkursi është anuluar pasi është mbajtur testi me shkrim dhe intervista.
Në arsyetim thuhet se asnjëri nga kandidatët nuk kanë arritur pikët minimale mbi 70 për qind.
“…gjatë vlerësimit profesional nga Komisioni Shtetëror i Pranimit nuk kanë arritur të kalojnë pragun minimal me mbi 70 për qind të pikëve të përgjithshme të vlerësimit të paktën dy kandidatë fitues”, thuhet në njoftimin e sotëm.
Ky konkurs i datës 13.07.2023 ishte anuluar nga DMZP dhe pas tij ishte shpallur një procedurë tjetër. Por pas ankesave në Këshilln e Pavarur Mbikëqyrës për Shërbimin Civil, konkursi ishte rikthyer në fuqi.
Kandidat në këtë konkurs kanë qenë Hamdi Hajdini, Luan Jusufi, Sejdë Tolaj, Sevdaim Vitia dhe Valon Ejupi. /Gazeta Shneta/
