Vaksina anti covid nga kompania Moderna është aprovuar nga qeveria amerikane si vaksina e dytë anti covid në vend.
Administrata e Ushqimit dhe Barnave (FDA) ka autorizuar javë më parë vaksinën anti covid nga kompania Pfizer dhe BioNTech shkruan BBC, transmeton GazetaShneta.
Ndërkohë, SHBA ka siguruar dhe 200 milionë doza nga kompania Moderna.
Komisioneri i FDA-së, Stephen Hahn, ka thënë se miratimi emergjent i vaksinës erdhi pas rritjes së jashtëzakonshme të infeksionit, si dhe numri i lartë i pacientëve të hospitalizuar.
Poashtu, ekspertët kanë raportuar se vaksina Moderna është e sigurt dhe 94% efektive.
Që nga pandemia e deri më sot, SHBA-ja ka regjistruar 17.5 milionë infeksione dhe më shumë se 313,500 viktima./GazetaShneta/