Në krye të Odës së Farmacistëve të Kosovës do të vazhdojë të jetë edhe për katër vite të ardhshme, Arianit Jakupi.
Lajmin për këtë e ka bërë të ditur Jakupi përmes një njoftimi në rrjetin social Facebook, shkruan Gazeta Shneta.
“I jam falenderues të gjithë kolegëve që më dhanë besimin që edhe katër vite të jem në krye të këtij insitucioni me kaq rëndësi për profesionin tonë.”
Jakupi është zotuar që do të punojë në zhvillimin e mëtejshëm të sektorit farmaceutik.
“Zotohem që me përgjegjësinë më të lartë profesionale, morale dhe etike do të punoj së bashku me kolegët në funksion të zhvillimit të metejmë të sektorit farmaceutik dhe në harmoni me normat ndërkombëtare!”, ka thënë ai.
Tutje, ai është shprehur se do t’a përfaqësojë OFK brenda dhe jashtë vendit. /Gazeta Shneta/