Muaj përpjekje, për të kufizuar përhapjen e koronavirusit në Shtetet e Bashkuara, rezistenca e imuniteti është shfaqur si një temë e diskutueshme.
Shumë ekspertë paralajmërojnë se ideja për të lejuar koronavirusin e ri të qarkullojë lirshëm – e njohur gjithashtu si një qasje e “rezistencës imunitare” – është e rrezikshme shkruan CNN, përcjell Gazeta Shneta.
Drejtori i Përgjithshëm i Organizatës Botërore të Shëndetësisë (OBSH-ja), Tedros Adhanom Ghebreyesus madje e ka quajtur atë “jo etike”.
“Lejimi i një virusi të rrezikshëm që nuk e kuptojmë ende plotësisht efektet e tij, për të qëndruar i lirshëm është thjesht jo etike,” tha Tedros gjatë një konferencë të hënën. “Nuk është një opsion”.
Tedros shpjegoi se rezistenca imunitare është një “koncept i përdorur për vaksinimin”, jo për kontroll pandemik.
“Asnjëherë në historinë e shëndetit publik rezistenca në fjalë nuk është përdorur si një strategji për t’iu përgjigjur një shpërthimi, e lëre më një pandemie”.
“Lënia e virusit të qarkullojë i pakontrolluar, do të thotë të lejosh infeksione të panevojshme, vuajtje dhe vdekje” përfundoi ai.
Një qasje e tillë – e ngjashme me atë që u tha ndodhi në Suedi, që do të nënkuptojë se shumë njerëz në të gjithë vendin do të duhej të sëmureshin me koronavirusin në mënyrë që të krijonin një imunitet natyror nëpër komunitete.
Rreth 2 milion amerikanë mund të vdesin në përpjekjen për të arritur imunitetin e plotë ndaj rezistencës së koronavirusit, tha në fund të gushtit Dr. Leana Wen, mjeke e urgjencës dhe analiste mjekësor e CNN.
Ndryshe nga shumica e vendeve, Suedia nuk shkoi në një bllokim total, kur pandemia u përhap në të gjithë Evropën në fillim të pranverës.
Në vend të kësaj, u theksua përgjegjësia personale, me shumicën e lokaleve, shkollave, restoranteve dhe salloneve të hapura.
Përkundër qasjes më të relaksuar, vetëm 7.3% e njerëzve në Stokholm kishin zhvilluar antitrupat e nevojshëm për të luftuar sëmundjen deri në fund të prillit, vlerë kjo shumë e ulët karshi asaj të nevojshme me 70-90% për imunitetin e plotë të rezistencës karshi virusit. /Gazeta Shneta/