Është koha e verës, nxehtit dhe pushimeve që zakonisht duam t’i kalojmë në ndonjë bregdet.
E prindërit e rinj gjithmonë pyeten nëse mund të shkojnë në plazh me një bebe, pasi frikësohen nga temperaturat e larta.
Ju mund ta merrni beben në plazh, e këto janë disa arsye pse është mirë që bebet të shkojnë
Ai do të eksplorojë struktura të reja
Kjo do të jetë shumë e rëndësishme sepse favorizon zhvillimin e aftësive motorike të fëmijës, e bën atë të njihet me botën si edhe kontribuon në zhvillimin gjuhësor. Fëmija zhvillohet pikërisht nga shqisa e të prekurit, uji, rëra e ngrohtë dhe e ftohtë, era etj.
Fëmijët do të ndihen më të qetë
Zhurma e detit është një prej “zhurmave të bardha” që e ndihmon fëmijën të qetësohet dhe të flejë më mirë. Kjo ndodh sepse fëmijës i kujtohet zhurma që dëgjonte ndërsa ishte brenda barkut të nënës.
Ata bien në dashuri me natyrën
Plazhi do t’i bëjë ata ta dashurojnë natyrën, e cila do të jetë një oaz mirëqënie për shëndetin e tyre. Duke shëtitur në natyrë ata do të kenë më pak shanse për t’u prekur nga obeziteti si edhe do të kenë zakone më të mira së të jetuarit.
Ata marrin frymë në ajër me kripë dhe lahen në ujë me kripë
Kripa është një prej kurave më natyrale për të trajtuar shumë probleme, duke filluar nga hunda e bllokuar dhe deri tek ekzemat në lëkurë. Ndërsa uji i oqeanit përmban magnez si edhe kripa e tij ndihmon në reduktimin e irritimeve të lëkurës.
Fëmija juaj merr rreze dielli
Fëmijët nën 6 muajsh duhet të qëndrojnë nën hije dhe të mbrohen me çdo kusht nga rrezet e drejtpërdrejta të diellit. Më pas rrezet e drejtpërdrejta janë shumë të rëndësishme për të prodhuar sasinë e nevojshme të vitaminës D. 5-10 minuta në ditë do të ishin të mjaftueshme, dhe nëse fëmija juaj ka një lëkurë me tonalitet më të errët do të ketë nevojë për më shumë rreze.
Ata kënaqen në det
Ata nuk mërziten asnjëherë në plazh, edhe nëse i çoni shpesh. Gjithmonë do të gjejnë mënyra të reja për të eksploruar botën dhe për të fituar aftësi të reja.
Fëmija fiton aftësinë e të ndierit i mrekulluar nga diçka
Kjo aftësi është shumë e rëndësishme dhe mund të fitohet falë eksperiencave. Do të shërbejë si një motivues i mirë përgjatë gjithë jetës.
Ata mund të kthejnë plazhin në një vend “nudistësh”
Dhe kur t’i shikoni edhe ju vetë do t’i adhuroni!/pernenat