Artriti reumatoid është një nga sëmundjet autoimune më të zakonshme, që prek rreth 17.6 milionë njerëz në mbarë botën deri në vitin 2020. Megjithëse nuk ka një kurë për artritin reumatoid, medikamentet dhe ndryshimet në stilin e jetës mund të ndihmojnë në menaxhimin e inflamacionit dhe dhimbjes që shkakton në nyje.
Studimet e mëparshme kanë lidhur artritin reumatoid me rritjen e rrezikut për një sërë problemesh shëndetësore, si goditja në tru, osteoporoza, sëmundja e syrit të thatë dhe disa lloje të kancerit, shkruan Medical News, transmeton Gazeta Shneta.
Tani, një studim i ri i publikuar në revistën RMD Open nga studiuesit e Universitetit të Málagës në Spanjë ka zbuluar se personat me artrit reumatoid mund të kenë një shans më të madh për të zhvilluar çrregullime të caktuara kognitive në moshë të madhe.
Ky zbulim thekson rëndësinë e monitorimit të kujdesshëm të shëndetit mendor te pacientët me artrit reumatoid, veçanërisht ndërsa plaken, për të ndihmuar në parandalimin dhe trajtimin e hershëm të çrregullimeve kognitive./Gazeta Shneta/