Kanë përfunduar faza e tretë e provave klinike për vaksinën Astra Zeneca / Oxford me 32 mijë vullnetarë në SHBA, Kili dhe Peru.
Sipas njoftimit të kompanisë, vaksina ka rezultuar të jetë 79 për qind efektive në parandalimin e sëmundjes simptomatike Covid-19 dhe 100 për qind efektive në parandalimin e simptomave të rënda, shkruan BBC, transmeton Gazeta Shneta.
Poashtu sipas njoftimit, nuk kishte asnjë shqetësim tek vullnetarët për mpiksjen e gjakut.
Rreth një e pesta e vullnetarëve ishin të moshës mbi 65-vjeçar dhe vaksina e dhënë në dy doza të ndara në katër javë, ka provuar se ka krijuar përgjigje më të fortë ndaj koronavirusit sesa tek grupmoshat e tjera.
Këto rezultatet pritet t’i hapin rrugë miratimit të vaksinës për përdorim të gjerë edhe nga FDA në Amerikë.
Udhëheqësi i provave klinike nga Universiteti i Oxfordit, Prof. Andreë Pollard, ka thënë se këto rezultate janë lajm i jashtëzakonshëm pasi ato tregojnë efikasitetin e vaksinës.
“Tani ne mund të presim një ndikim të fortë kundër Covid-19 në të gjitha moshat dhe tek të gjithë njerëzit në vende të ndryshme të botës”, ka deklaruar ai. /Gazeta Shneta/