Një studim i ri ka treguar se cigaret elektronike, me ose pa nikotinë, mund të kenë një efekt paralizues në qelizat imune të trupit.
Një studim i ri shqetësues tregon se edhe ekspozimi i ulët ndaj avullit të cigareve elektronike mund të ndikojë në qelizat imune, shkruan Euronews Next përcjell Gazeta Shneta.
Cigaret elektronike vitet e fundit janë bërë më të njohura, veçanërisht në mesin e të rinjve, por ka pasur një rritje të studimeve mbi pasojat shëndetësore afatgjata që lidhen me to.
Tani, ky studim i ri tregon se thithja e avullit nga këto e-cigare shumëngjyrëshe mund të ndalojë qelizat imune të vijës së parë të quajtura neutrofile të funksionojnë normalisht.
Neutrofilet janë një lloj qelizash të bardha të gjakut dhe përfaqësojnë nga 50 deri në 80 për qind të të gjitha qelizave të bardha të gjakut në trupin e njeriut.
“Cigaret elektronike janë një mjet i provuar dhe me më pak dëmtim për të ndihmuar duhanpirësit të lënë duhanin, por të dhënat tona i shtojnë dëshmive aktuale që e-cigaret nuk janë të padëmshme dhe theksojnë nevojën për të financuar studime afatgjata në vapim”, tha autori kryesor Aaron Scott, një profesor i asociuar në Universitetin Birminghamit.
Gjetjet u botuan në revistën “Journal of Alergy and Clinical Immunology”. /Gazeta Shneta/