Specialisti i toksikologjisë, Demush Bajraktari, ka treguar se rastet më të shpeshta të intoksikimeve në vend lidhen me ushqimin, alkoolin, keqpërdorimin e barnave dhe drogat ilegale.
“Toksikologjia është një shkencë që merret me studimin e substancave që shkaktojnë helmime ose intoksikime në organizmin e njeriut, duke analizuar efektet e tyre dhe mekanizmat përmes të cilave manifestohen,” tha ai.
Sipas tij, grupmoshat më të prekura nga intoksikimet janë të moshuarit, shkruan Gazeta Shneta.
“Për shkak të mënyrës së funksionimit të organizmit, moshat e shtyera kërkojnë trajtim dhe kujdes më të veçantë,” theksoi Bajraktari.
Ai u ndal edhe tek mënyrat e ekspozimit ndaj substancave toksike.
“Në pjesën më të madhe ekspozohemi përmes traktit gastrointestinal, sistemit respirator dhe lëkurës. Simptomat më të zakonshme janë mundimi, vjellja, dhimbjet abdominale dhe vështirësia në frymëmarrje. Prandaj është e rëndësishme të mos injorohet asnjë ndryshim në organizëm,” u shpreh Bajraktari.
Në lidhje me diagnostikimin, Bajraktari shpjegoi dhe metodat e analizimit.
“Në laborator fillojmë me analiza të shpejta të urinës për të përcaktuar disa parametra dhe droga ilegale, ndërsa analizat imunokimike na ndihmojnë të identifikojmë deri në 30 parametra, që lehtësojnë trajtimin e pacientëve.”shtoi tutje Bajraktari.
Ai theksoi gjithashtu nevojën për ndërgjegjësim publik.
“Duhet një fushatë më e madhe sensibilizuese, në mënyrë që qytetarët të jenë të informuar për rreziqet që sjellin pesticidet, barnat dhe drogat e paligjshme,” tha Bajraktari./Gazeta Shneta/
Për më shumë ndiqni intervistën: