Kardiologu Gani Bajraktari është tallur keq me ish-ministrin e shëndetësisë Uran Ismaili, pasi partia e këtij të fundit i humbi zgjedhjet e 6 tetorit.
“Nuk dihet vend-ndodhja e Cooler-it! Dikush po thotë se është duke gatuar torta në njërën nga ‘salasticarat’ e tij, e dikush tha se po punon në shank në kafiq. Me të thanë të vërtetën më së shumti mu dhimten 4-5 fotografët e tij që i kish qit prej pune! Fort bre të mirë kanë qenë”, ka shkruar Bajraktari duke aluduar në ministrin në largim Uran Ismaili, transmeton Gazeta Shneta.
Krejt në fund ai ka ironizuar edhe me sloganin “Bashkë e ndreqim” të Ismailit duke shkruar “Bashkë kemi bërë fasada”.
Kujtojmë se Bajraktari është përjashtuar nga puna nga menaxhmenti i SHSKUK-së para disa javësh me vendim të Komisionit Disiplinor pas akuzave se kishte referuar pacient në një spital privat. Poashtu rasti i tij ishte dërguar edhe në Prokurori.
Ndërkaq kardiologu këtë e kishte quajtur hakmarrje dhe me ndikim direkt nga drejtori i SHSKUK-së Dr. Basri Sejdiu. /Gazeta Shneta/
