Pilula antivirale Paxlovid jo vetëm që redukton shtrimin në spital dhe vdekjen pas infektimit me COVID-19, por hulumtimet e reja tregojnë se gjithashtu zvogëlon shanset për një ‘COVID-19 të gjatë’ me afërsisht 25%.
Bari i cili kombinon një antiviral më të ri të quajtur nirmatrelvir me një mjekim më të vjetër të njohur si ritonavir ishte pjesë e një studimi të departamentit amerikan që u botua në medRxiv dhe ende nuk është rishikuar nga kolegët, shkruan Medical Xpress përcjell Gazeta Shneta.
“Paxlovid zvogëlon rrezikun e COVID-19 të rëndë në fazën akute dhe tani kemi prova që mund të ndihmojë në uljen e rrezikut të ‘COVID-19 të gjatë’,” tha udhëheqësi i studimit Dr. Ziyad Al-Aly.
“Ky trajtim mund të jetë një aset i rëndësishëm për të trajtuar çështjen serioze të COVID-it të gjatë.”
“Tërësia e provave sugjeron nevojën për të përmirësuar marrjen dhe përdorimin e nirmatrelvirit në fazën akute si një mjet jo vetëm për të parandaluar përparimin në sëmundje të rëndë akute, por edhe për të reduktuar rrezikun e rezultateve të pafavorshme shëndetësore post akute,” thanë autorët e studimit.
Paxlovid, i prodhuar nga kompania e barnave Pfizer, mund të përdoret nga personat e moshës 12 vjeç e sipër.
Megjithëse thuhet se funksionon më mirë brenda pesë ditëve nga fillimi i simptomave, nuk është e qartë nëse ndryshimi i dozës për të marrë sasi më të larta të barit ose për ta marrë atë për më shumë kohë do të kishte më shumë ndikim, raportoi CNN.
Instituti Kombëtar i Shëndetit planifikon të studiojë përdorimin e Paxlovid në pacientët që tashmë kanë kohë që kanë COVID për të kuptuar çdo ndikim që mund të ketë bari. /Gazeta Shneta/