Agjencia Europiane e Barnave e Bashkimit Europian ka dhënë autorizim të kushtëzuar mbi barin Remdesivir për përdorim tek pacientët me COVID-19.
Remdesivir (Veklury) është një bar antiviral që është hulumtuar në vazhdimësi dhe ka dhënë rezultatet pozitive për trajtimin e COVID-19 shkruan Gazeta Shneta.
Që nga muaji prill, Agjencia në fjalë filloi të vlerësojë të dhënat për cilësinë dhe prodhimin, hulumtimet jo klinike, dhe ato klinike si dhe të dhënat e mbështetjes së profilit të sigurisë përpara se të dorëzojnë punimet së bashku me hulumtimet e kryera gjerë me 5 qershor.
Vlen të ceket se Remdesivir (bar i zhvilluar kundër Ebolës) hyn te klasa e inhibitorëve të ARN-polimerazës virale duke penguar procesin e kopjimit të virusit, duke intereferuar me procesin e prodhimit të materialit gjenetik të virusit SARS-CoV-2.
Shtojmë se Agjencia Evropiane e Barnave (EMA) është një agjenci e fokusuar dhe autoritare e Bashkimit Evropian (BE) përgjegjëse për vlerësimin shkencor, mbikëqyrjen dhe monitorimin e sigurisë së barnave në BE. /Gazeta Shneta/