Barna të miratuar më parë nga FDA mund të ripërdoren për të trajtuar njerëzit e infektuar me COVID

2021-09-09 në ora 20:46

Megjithë zhvillimin e vaksinave kundër SARS-CoV-2, terapitë efektive janë më se të nevojshme derisa të arrihet imuniteti në mbarë botën.

Një studim i botuar në PLOS Pathogens nga Adam Pickard dhe Karl Kadler në Universitetin e Mançesterit / Mbretërinë e Bashkuar, sugjeruan që disa barna të miratuar nga FDA mund të ripërdorohen në mënyrë të sigurt për të trajtuar infeksionet COVID-19, shkruan MedicalxPress përcjell Gazeta Shneta.

Shumica e popullsisë së botës është ende e pavaksinuar, megjithatë ka pak barna që janë vërtetuar të sigurta, shpërndahen lehtë dhe të afta për të zvogëluar përhapjen e SARS-CoV-2.

Për të identifikuar barnat që mund të trajtojnë në mënyrë efektive infeksionet SARS-CoV-2, studiuesit kryen një analizë të terapive të miratuara nga FDA në vitin 1971 duke përdorur një version të enzimës lumineshente të etiketuar të virusit SARS-CoV-2 në mënyrë që të përcaktojnë sasinë e ngarkesës virale.

Ata pastaj analizuan efikasitetin e barnave në një sërë llojesh të qelizave të infektuara njerëzore, duke vëzhguar se sa mirë virusi u replikua në qelizat e infektuara pas ekspozimit ndaj çdo bari.

Autorët identifikuan nëntë barna efektive në shtypjen e replikimit të virusit në qelizat e infektuara me SARS-CoV-2.

Sidoqoftë, studimi ishte i kufizuar në atë që u krye vetëm në qelizat njerëzore dhe ato ende nuk janë testuar për efikasitet në trajtimin e SARS-CoV-2 te pacientët. Provat klinike janë të nevojshme për të përcaktuar nëse barnat janë terapi të përshtatshme për pacientët me COVID-19.

Sipas autorëve thuhet se:

“Studimi ynë ka identifikuar komponimet që janë të sigurta tek njerëzit dhe tregojnë efektivitet në reduktimin e infeksionit SARS-CoV-2 dhe replikimin në qelizat njerëzore. Pasi këto barna janë të miratuara nga FDA dhe me dozimetri të sigurtë tashmë të vendosur për përdorim te pacientët, provat klinike mund të fillojnë për këto barna brenda një kohe relativisht të shkurtër”.

Studiuesi Kadler shton se: “Ne identifikojmë barna që ndalojnë replikimin e virusit SARS-CoV-2 (i cili është shkaktari i COVID-19) në qelizat njerëzore. Barnat përfshijnë ebastinë, e cila është miratuar nga FDA për trajtimin e Pneumocistis jirovecii (Pneumocystis carinii) dhe vitamina D3, e cila është në dispozicion pa recetë, dhe mund të jetë suplement i fuqishëm në trajtimin e COVID-19. Këto barna nuk janë vlerësuar tek pacientët me COVID-19 dhe nuk janë alternativa të trajtimeve ekzistuese ose programe vaksinimi”. /Gazeta Shneta/