Ndërsa përdorimi i medikamenteve GLP-1 për humbje peshe, si Wegovy dhe Ozempic, po bëhet gjithnjë e më i përhapur, studimet e reja po zbulojnë se përfitimet e tyre shtrihen përtej rënies në peshë.
Një studim i fundit, i botuar në revistën “The Lancet”, tregon se substanca semaglutide mund të ulë ndjeshëm rrezikun e sulmit në zemër, goditjes në tru dhe ngjarjeve të mëdha kardiake — madje edhe te personat që humbasin pak peshë gjatë trajtimit, shkruan burimi Medical News Today transmeton Gazeta Shneta.
Studimi pason kërkime të tjera të vitit 2023, të udhëhequra nga profesori i kardiologjisë në University College London, John Deanfield, ku u zbulua se semaglutide mund të reduktojë me rreth 20% rrezikun e ngjarjeve të rënda kardiovaskulare.
Rezultatet e reja forcojnë këto gjetje, duke treguar se përmirësimet në shëndetin e zemrës nuk varet vetëm nga pesha e humbur, por edhe nga vetë mekanizmi biologjik i barnave GLP-1.
Sipas profesor Deanfield, “këto medikamente ofrojnë përfitime për shumë sëmundje kronike përtej efektit të tyre në peshë, përfshirë sëmundjet e mëlçisë, veshkave, diabetin dhe disa sëmundje neurologjike si Parkinsoni.
Prandaj, ato nuk duhet të shihen thjesht si barna për humbje peshe, por si trajtime që përmirësojnë shëndetin e përgjithshëm.”
Këto rezultate nënvizojnë rëndësinë e GLP-1-ve si një klasë barnash me potencial të gjerë terapeutik, që mund të reduktojnë rrezikun kardiovaskular dhe të mbështesin shëndetin afatgjatë, pavarësisht sasisë së peshës së humbur. /Gazeta Shneta/