Shërbimi Spitalor Klinik Universitar i Kosovës ka hapur një konkurs për drejtor mjekësor të cilit ia kanë mësyrë tre kandidatë.
Gazeta Shneta ka mësuar emrat e kandidatëve të cilët janë drejtori i Klinikës së Kardiokirurgjisë Dr. Tefik Bekteshi, shefi i Kardiokirurgjisë Dr. Adem Grbolar dhe drejtoresha e Klinikës së Nefrologjisë Dr. Venera Hasangjekaj.
Konkursi i publikuar më 4 shkurt nuk ka paraparë kritere specifike në krahasim me pozitat tjera të larta. Të drejt konkurrimi në këtë konkurs sipas kritereve të vendosura nga SHSKUK kanë të gjithë kandidatët që kanë kryer shkollimin specialistik, ose të ketë thirrje akademike apo tituj shkencor.
Përparësi kanë vetëm kandidatët që kanë kualifikim në fushën e menaxhmentit shëndetësor. Ndërkaq është kërkuar së paku 5 vjet përvojë pune, tre prej tyre në pozitë udhëheqëse.
Drejtori i ardhshëm shëndetësor pritet të mbikëqyr të gjitha shërbimet shëndetësore në njësitë e SHSKUK-së. /Gazeta Shneta/