Disa prodhues të kremrave të diellit dhe produkteve të kujdesit personal janë paditur pasi testimi zbuloi se dhjetëra produkte përmbanin nivele të larta të benzenit që shkakton kancer. Megjithatë, Administrata Amerikane e Ushqimit dhe Barnave (FDA) ende nuk mund të përcaktojë saktësisht se si produktet u kontaminuan.
Në vitin 2021, Valisure, një kompani e sigurimit të cilësisë, testoi 294 produkte të ndryshme mbrojtëse kundër diellit dhe produktet pas ekspozimit të diellit dhe zbuloi se 78 prej tyre përmbanin benzen, një kancerogjen i njohur. Kimikati u gjet kryesisht në produkte me sprej ose aerosole, raporton Health News përcjell Gazeta Shneta.
Sipas Shoqatës Amerikane të Kancerit, ekspozimi ndaj niveleve të larta të benzenit është i lidhur me leukeminë dhe kanceret e tjera të gjakut, të tilla si mieloma multiple dhe limfoma jo-Hodgkin.
Rezultatet e testimit të kompanisë Valisure çuan në tërheqjen e disa kremrave kundër diellit me aerosol Neutrogena dhe Aveeno të prodhuara nga Johnson & Johnson, si dhe disa produkte Coppertone dhe Banana Boat.
Disa kremra kundër diellit kishin benzenë në nivele pesë deri në 12 herë më të larta se kufiri i FDA-së.
Testet e Valisure të vitit 2021 gjetën gjithashtu benzen në disa dezinfektues të duarve, trajtime antifungale, shampo, kondicionerë, produkte antidjersë dhe deodorantë./Gazeta Shneta/