Sipas një analize të re, ka pasur gati 100 raste të një objekti të huaj të mbetur gabimisht brenda pacientëve pas operimit mjekësor nga Shërbimi Kombëtar Shëndetësor (NHS) në Mbretërinë e Bashkuar.
Rreth 407 incidente të rënda që janë plotësisht të parandalueshme, gjëra serioze sa nuk duhet të ndodhin kurrë – u regjistruan në NHS në Mbretërinë e Bashkuar nga muaji prilli 2021 deri në mars 2022, tregojnë shifrat, transmeton Gazeta Shneta.
Kjo është e barabartë me gati tetë raste në javë dhe është një rritje nga e njëjta periudhë e një viti më parë, e cila kishte 364 në total.
Në përgjithësi, kishte 98 raste të një objekti të huaj të mbetur brenda një pacienti pas një procedure operimi.
Tamponët vaginale janë lënë te pacientët 32 herë dhe tamponat kirurgjikale janë lënë 21 herë.
Disa nga objektet e tjera të mbetura brenda pacientëve përfshinin një palë prerëse teli, një pjesë të tehut të bisturisë dhe bulonën e pincës kirurgjikale.
Një zëdhënës i NHS tha se:
“Ndërsa këto ngjarje janë jashtëzakonisht të rralla dhe stafi i NHS po punon shumë për të ofruar kujdes të sigurt për pacientët, është e rëndësishme që ngjarjet të raportohen dhe të mësohen në mënyrë që ato të parandalohen në të ardhmen.” /Gazeta Shneta/