Shërbimi Spitalor Klinik Universitar ka dhënë një sqarim në lidhje me blerjen e Acceleratorit 1.5 milionësh për Klinikën e Onkologjisë nga kompania ‘Medica’
Gazeta Shneta ka raportuar gjatë ditës së SHSKUK kishte kërkuar që kjo aparaturë të blihej me procedurë të përshpejtuar për shkak të nevojave të pacientëve. Kjo kërkesë ishte bashkëngjitur në Njoftimin për Kontratë, ku parashihej që të shkurtohej koha nga 40 ditë në 20. Në këtë njoftim poashtu thuhet se Banka Botërore është vonuar me specifika, andaj duhet të përshpejtohet blerja.
Por SHSKUK tani thotë se ka respektuar plotësisht rekomandimet e BB-së në lidhje me specifikat e pajisjes.
Sqarimi i plotë i SHSKUK-së:
Sqarim ndaj shkrimit me titull “SHSKUK s’e priti Bankën Botërore për Acceleratorin, kjo kompani e fitoi kontratën milionëshe” të datës 9 tetor 2019, të botuar tek gazeta “Shneta”.
Shërbimi Spitalor dhe Klinik Universitar i Kosovës për shkak të informimi të drejtë të opinionit, njofton se SHSKUK ka kërkuar vetë nga Banka Botërore(BB) sigurimin e konsulentëve ndërkombëtarë të fushave të ndryshme, për të ndihmuar në përpilimin e specifikave teknike të përditësuara sipas të arriturave të fundit të teknologjisë botërore.
SHSKUK ka pranuar dy herë rekomandimet nga ana e konsulentëve të Bankës Botërore që janë marrë me specifikat për pajisjen “Dual-Energy Linear Accelerator”.
Rekomandimet e fundit të ekspertëve të BB kanë arritur me 7.10.2019, menjëherë pas kësaj, me 11.10.2019, është shpallur tenderi.
SHSKUK ka inkorporuar në përpikëri rekomandimet e dhëna nga ana e tyre për këtë pajisje, para shpalljes së tenderit, pra është vepruar me transparencë të plotë sipas rekomandimeve të dhëna.
Me respekt,
SHSKUK