Oda e Farmacistëve të Kosovës ka reaguar ndaj grabitjes së një barnatoreje në Prishtinë.
OFK ka dënuar kërcënimin, sulmin dhe grabitjen që i është bërë farmacistes së një barnatore në kryeqytet, transmeton Gazeta Shneta.
“Kjo nuk është hera e parë që farmacistët por në përgjithësi profesionistët shëndetësorë janë cak i sulmeve nga individë të caktuar me ç’rast po shkaktohet përveç dëmit aterial edhe dëm psikologjik në tërë stafin por duke shkaktuar frigë në ushtrimin e profesionit edhe për kolegët tjerë”, thuhet në reagim.
Reagimi i plotë:
Oda e Farmacistëve të Kosovës me zhgënjim të madh ka pranuar lajmin për kërcënimin, sulmin dhe grabitjen që i është bërë koleges në një barnatore në Prishtinë.
Kjo nuk është hera e parë që farmacistët por në përgjithësi profesionistët shëndetësorë janë cak i sulmeve nga individë të caktuar me ç’rast po shkaktohet përveç dëmit aterial edhe dëm psikologjik në tërë stafin por duke shkaktuar frigë në ushtrimin e profesionit edhe për kolegët tjerë.
Këto sulme bëjmë apel që të hetohen nga organet përgjegjëse dhe ne si OFK do të jemi në dispozicion në çfarëdo mënyrë që mund të kontribuojmë në mënyrë që këto dukuri të mos përsëriten më për kolegët në barnatore apo për profesionistët shëndetësorë në përgjithësi.
STOP SULMIT NDAJ PROFESIONISTËVE SHËNDETËSORË!