Një studim i kohëve të fundit nga Universiteti i Uashingtonit zbuloi se pandemia COVID mund të ketë plakur para kohe trurin e adoleshentëve, veçanërisht vajzave të reja.
Shumë njerëz përjetuan ‘pauzë’ në rutinat e tyre të përditshme për shkak të urdhrave për të qëndruar në shtëpi dhe ndërveprimeve të kufizuara sociale gjatë pandemisë COVID-19, duke treguar se kjo ndikon veçanërisht në mirëqenien e të rinjve, raporton Euronews Health përcjell Gazeta Shneta.
Tani, një studim nga Universiteti i Uashingtonit ka zbuluar se pandemia COVID-19 mund të ketë shkaktuar ndryshime të pazakonta në zhvillimin e trurit të adoleshentëve, duke rezultuar në maturimin e përshpejtuar të trurit.
Fillimisht, në vitin 2018, studiuesit synuan të gjurmonin ndryshimet normale të trurit tek adoleshentët si pjesë e një studimi gjatësor që përfshinte 160 pjesëmarrës të moshës nëntë deri në 17-vjeç.
Megjithatë, për shkak të pandemisë, testimi vijues u vonua deri në vitin 2021, duke i shtyrë studiuesit të zhvendosin fokusin e tyre në atë se si pandemia mund të ketë ndikuar në zhvillimin e trurit.
Studiuesit matën maturimin e trurit duke parë se sa u ‘hollua’ korteksi cerebral, i cili është shtresa e jashtme e trurit, me kalimin e kohës.
“Ne u befasuam me të vërtetë kur zbuluam se në të dhënat tona pas COVID-19 trashësia kortikale ishte shumë më e ulët se sa do të pritej nga modelet para-COVID, dhe zbuluam se kjo trashësi më e ulët ishte më e theksuar = në shumë më tepër rajone të trurit tek femrat sesa tek meshkujt”, tha për Euronews Health, Neva Corrigan, autori kryesor i studimit nga Universiteti i Uashingtonit.
Gjetjet u botuan në revistën “Proceedings of the National Academy of Sciences”. /Gazeta Shneta/