Bordi Drejtues i SHSKUK-së ka marr vendim sot për themelimin e dy shërbimeve të reja, për farmacinë klinike dhe toksikologjinë.
Bordi Drejtues i Shërbimit Spitalor Klinik dhe Universitar sot ka mbajtur mbledhjen e 61-të ku janë themeluar dy shërbime të reja, shkruan Gazeta Shneta.
Me kërkesë të drejtoreshës së sektorit të furnizimit me barna në SHSKUK, Dardane Mehaj, dhe përmes drejtorit të përgjithshëm Elvir Azizi, është diskutuar dhe marr vendim për themelimin e dy shërbimeve të reja.
Sektori farmaceutik nga tani do të avancohet në Shërbimin klinik farmaceutik i cili do të ketë tre departamente: Shërbimin e farmacisë klinike, toksikologjinë dhe shërbimin e furnizimit me barna,
Për këtë propozim kanë votuar të gjithë anëtarët e Bordit.
Në lidhje me këtë propozim Sekretari i Bordit Fahredin Majkovci ka prezantuar edhe një vendim tjetër të Bordit Drejtues të SHSKUK-së në vitin 2016 me kërkesë të ish-udhëheqëses së Barnatores Qendrore Arijeta Stanovci.
Në 2016 Bordi i asaj kohe kishte vendosur që të themelonte Shërbimin e farmacisë klinike, por që ky vendim nuk ishte implementuar asnjëherë.
Ndryshe në këtë mbledhje drejtori i SHSKUK-së Elvir Azizi ka njoftuar se janë duke planifikuar që të bëjnë kontraktimin e shërbimeve për anestezion për klinikën e Ortopedisë me qëllim që të ulen listat e pritjes dhe për të përmbushur nevojat e klinikës për mjek anesteziolog. /Gazeta Shneta/