Zyrtarët shëndetësorë në ShBA u kanë kërkuar mjekëve që të testojnë pacientët për linë e majmunëve nëse dyshojnë për raste të tilla.
Shqetësimi për rritjen e rasteve me linë e majmunëve është rritur ndjeshëm në tërë botën shkruan Reuters, transmeton Gazeta Shneta.
Deri më tani ka pasur 21 raste në të paktën 11 shtete. Pacientët e prekur po izolohen për të ndihmuar në parandalimin e përhapjes së virusit, thanë zyrtarët e Qendrave të SHBA për Kontrollin dhe Parandalimin e Sëmundjeve (CDC).
CDC ka thënë se ishte në dijeni për 700 raste të lisë së majmunëve që janë raportuar globalisht jashtë pjesëve të Afrikës.
Fatmirësisht, deri më tani nuk është raportuar asnjë vdekje nga lia e majmunëve.
Zyrtarët shëndetësorë besojnë se transmetimi në komunitet është i mundshëm. Kjo është arsyeja pse ata duan që mjekët të testojnë pacientët nëse ata kanë ndonjë arsye të dyshojnë për linë e majmunëve.
CDC theksoi se lija e majmunit transmetohet nga kontakti i ngushtë me dikë që ka virusin. /Gazeta Shneta/