Vaksinat kundër COVID-19 kanë ndihmuar në uljen e vizitave në urgjencë dhe qendrat e kujdesit të shpejtë për fëmijët, sipas të dhënave të reja nga Qendrat për Kontrollin dhe Parandalimin e Sëmundjeve në SHBA (CDC).
Sipas raportit të CDC-së, vaksinat reduktuan rrezikun e vizitave në urgjencë me 76% tek fëmijët nën 4 vjeç dhe 56% tek fëmijët nga 5 deri në 17 vjeç gjatë gjashtë muajve të parë pas vaksinimit, shkruan HealthDay transmeton Gazeta Shneta.
Të dhënat u mbledhën nga rekordet elektronike të spitaleve dhe klinikave në nëntë shtete, duke përfshirë mbi 44,500 vizita tek fëmijët nga 9 muaj deri në 4 vjeç dhe mbi 53,000 vizita tek fëmijët nga 5 deri në 17 vjeç.
Ekspertët theksojnë se, edhe pse numri i fëmijëve të vaksinuar që kanë pasur nevojë për kujdes ishte i vogël, të dhënat tregojnë qartë efektivitetin e vaksinave.
Raporti vjen në një kohë kur disa kritikanë e vlerësojnë vaksinimin e fëmijëve si të paqëndrueshëm, por rezultatet tregojnë se vaksinat parandalojnë simptomat më të rënda dhe ndihmojnë në shmangien e vizitave emergjente.
Ekspertët pohojnë se vaksinat COVID janë monitoruar rreptësisht që nga fillimi, dhe përveç efekteve të rralla kardiake tek të rinjtë meshkuj, nuk janë identifikuar probleme të mëdha të sigurisë./Gazeta Shneta/